Síða 102 – Epal

Blogg

Andreas Engesvik fyrir Iittala

Posted on 31/10/201219/11/2012 by blogg

Andreas Engesvik hannaði kertastjakana Allas fyrir Iittala sem komu út fyrr á þessu ári, en hann er fyrsti norski hönnuðurinn sem fenginn er til að hanna fyrir Iittala og þykir það mikill heiður. Hann hefur hlotið ýmis verðlaun fyrir verk sín svosem hönnunarverðlaun Wallpaper árið 2009 og iF hönnunarverðlaunin árið 2010 og nú síðast hin virtu Red Dot hönnunarverðlaun árið 2012 fyrir Allas kertastjakana. Fyrir utan Iittala hefur Andreas hannað fyrir Muuto, Asplund og Ligne Roset, og má finna hönnun eftir hann í norsku konungshöllinni.

Blogg

Fuglarnir hans Oiva Toikka

Posted on 29/10/201229/10/2012 by blogg

Hann Oiva Toikka sem er eitt stærsta nafnið í finnskri hönnunarsögu hefur starfað fyrir Iittala í yfir 50 ár og það var árið 1972 þegar hann byrjaði að hanna frægu fuglana sína BIRDS BY TOIKKA. Fuglarnir eru allir munnblásnir í Nuutajarvi glerverksmiðjunni í Finnlandi þar sem Iittala hefur haft glerverkstæði sitt undanfarin hundrað ár. Það er teymi af 5 glerblásurum sem sjá um að koma lífi í fugla Toikka, en það tekur um 15 klukkustundir að búa til hvern fugl.

Fuglarnir eru gullfallegir og einstakir söfnunargripir þar sem að enginn þeirra er alveg eins.

Blogg

LOUIS POULSEN+TENKA

Posted on 20/10/201220/10/2012 by blogg

Þessar fallegu myndir af ljósum framleiddum af Louis Poulsen voru teknar heima hjá dönsku listakonunni Tenku Gammelgaard og deilir hún þeim með lesendum sínum á bloggsíðu sinni hér. Myndir af heimili Tenku hafa birst víða í gegnum tíðina, en hún er þekkt fyrir að eiga afar smart heimili og ákvað Louis Poulsen ljósaframleiðandinn að nýta sér það sem fallegt umhverfi fyrir ljósin.

Ljósmyndir; JACOB TERMANSEN.

Á bloggsíðu Tenku má einnig sjá „bakvið tjöldin“ myndir eins og þessar hér að neðan.

Fallegt heimili og flott ljós ekki satt?

Fleiri myndir er hægt að skoða Hér.

Blogg

MATT PUGH

Posted on 20/10/201220/10/2012 by blogg

Breski hönnuðurinn Matt Pugh hannar og framleiðir húsgögn og smáhluti fyrir heimilið. Með það að leiðarljósi að hlutirnir eigi að endast lengur en heila lífstíð vinnur hann aðeins með náttúruleg og umhverfisvæn efni. Hönnun hans er tímalaus og einföld en þó með skemmtilegum smáatriðum og litum. Uglurnar frá Matt Pugh voru að koma í Epal og eru þær flottar stakar eða margar í hóp.

Tímalaus, handgerð og falleg hönnun fyrir heimilið.

Blogg

Tré Katrínar Ólínu

Posted on 09/10/201209/10/2012 by blogg

Tré sem Katrín Ólína hannaði ásamt Micheal Young árið 2004 nýtur enn mikilla vinsælda og má oft sjá það á fallegum heimilum þegar flett er í gegnum skandinavísk tímarit.

Tréið kemur í tveimur stærðum og tveimur útgáfum, til að festa á vegg og til að standa á gólfi.

Blogg

NÝTT FRÁ NORMANN COPENHAGEN

Posted on 03/10/201203/10/2012 by blogg

Bunny stóllinn var hannaður af Iskos-Berlin Design sem er samstarf á milli Boris Berlin og Aleksej Iskos, en þeir voru tilnefndir til Bolig Magasinet hönnunarverðlaunanna 2012 sem bestu dönsku hönnuðirnir. Bunny hægindarstóllinn er einstakur í útliti, hann er töff en með smá húmor og hann er líka einstaklega þægilegur.

Block er borð á hjólum sem fyrst var kynnt fyrr á þessi ári, borðið sem er á hjólum var hannað af Simon Legald sem hefur hannað ýmsar vinsælar vörur fyrir Normann Copenhagen. Block er hægt að nota á marga vegu, til dæmis kaffiborð, hliðarborð eða náttborð?

Geo Thermos er flott geómetrískt kanna sem hönnuð var af Nicholai Wiig Hansen, sem einnig var tilnefndur sem besti danski hönnuðurinn 2012 af Bolig Magasinet. Kannan kemur í nokkrum litum, og heldur hún bæði hita og kulda mjög vel og á smart hátt.

Jensen skálarnar sem hannaðar eru af Ole Jensen eru fallegar skálar úr Melamine og koma þær 3 saman í pakka. Skálarnar eru flottar og sameina þær bæði undirbúning og framsetningu á mat.

Blogg

MOSI BÆTIR HAG BARNA

Posted on 28/09/201228/09/2012 by blogg

Sparibaukurinn Mosi er afurð hönnunarteymisins Tulipop. Nú hafa Tulipop og MP banki tekið höndum saman með UNICEF, Barnahjálp Sameinuðu þjóðanna, og verður sparibaukurinn seldur á næstunni til styrktar starfi samtakanna. Þetta er ekki í fyrsta sinn sem Tulipop leggur UNICEF lið en árið 2010 framleiddi teymið páskaegg til styrktar samtökunum. Barnahjálp Sameinuðu þjóðanna hefur í nærri sjö áratugi staðið vörð um líf barna frá fæðingu til fullorðinsára. Samtökin eru leiðandi í hjálparstarfi og réttindagæslu fyrir börn um heim allan og því tilvalið að splæsa í Mosa og leggja UNICEF lið við að bæta hag barna um víða veröld. Mosi kostar 5500 krónur. Fyrir ágóðann sem UNICEF fær af hverjum seldum Mosa geta samtökin útvegað skólagögn fyrir 30 börn. Sparibaukurinn verður til sölu á öllum sölustöðum Tulipop. Sögu Mosa og ýmislegt skemmtilegt sem honum viðkemur má finna á mp.is/mosi.
tulipop.com ® unicef.is

Blogg

TRIPP TRAPP

Posted on 24/09/201224/09/2012 by blogg

Til að fagna 40 ára afmæli verðlaunastólsins Tripp Trapp, var ákveðið að framleiða hátíðarútgáfu af honum. Stóllinn sem hannaður var árið 1972 af Peter Opsvik er einstakur fyrir þær sakir að hann er fyrsti stóllinn sem hannaður var með það í huga að geta vaxið með barninu. Þegar að Peter Opsvik hóf að hanna Tripp Trapp stólinn var hans markmið að hanna stól sem börn á öllum aldri gætu setið á við matarborðið en með olnboga í borðhæð.

Hátíðarútgáfa stólsins er úr gegnheilu olíbornu Beyki með áletrun Peter Opsvik á.

Stóllinn er klassísk, tímalaus hönnun sem endist í margar kynslóðir.

Blogg

NÝ HÖNNUN : INGIBJÖRG HANNA

Posted on 22/09/201222/09/2012 by blogg

Ingibjörg Hanna frumsýndi á Hönnunarmars fyrr á þessu ári vörur úr línunum wood/wood/wood og Experienced sem voru núna fyrst að koma í sölu hjá okkur í Epal. Experienced eru fallegir púðar og viskastykki sem eru úr 100% bómull, og wood/wood/wood eru kertastjakar og cappuccino bollar sem Ingibjörg Hanna hannaði í samstarfi við Höllu Björk Kristjánsdóttur hönnuð.

Falleg íslensk hönnun fyrir heimilið.

Blogg

NORM 69

Posted on 17/09/201220/09/2012 by admin

Norm 69 ljósið var upphaflega hannað árið 1969 af Simon Karkov, en í mörg ár lá ljósið ósnert á háalofti þar til að það var uppgötvað af kunningja Simon Karkov, en möguleikarnir sem hann sá í ljósinu var upphaf samstarfs Normann Copenhagen og Simon Karkov árið 2001. Þá fyrst var ljósið endurheimt af háaloftinu og þróað áfram áður en það var sett í framleiðslu. Norm 69 er innblásið frá blómum og könglum, en hönnuðurinn sækir mikið innblástur í náttúruna.