Taktu Humdakin með þér inn í sumarið! Fullt af fallegum nýjungum frá okkar uppáhalds Humdakin eru nú mættar i vefverslun Epal.is. Dásamlegur andlitsmaski, þvottakarfa í sumarlegum lit, snyrtitaska, vel ilmandi lyktareyðir fyrir heimilið og svo margt fleira. Sjáðu úrvalið í vefverslun okkar.
Ekki missa af mínútu af þínu uppáhalds sjónvarpsefni með Pedestal sjónvarpsstandi. Pedestal er danskt hönnunarmerki stofnað árið 2020 og framleiðir einfaldar og smart lausnir fyrir sjónvörp. Uppröðun stofunnar á heimilinu ræðst oft af því hvar sjónvarpið er vegghengt, en það þarf ekki að vera þannig, Pedestal sjónvarpsstandinn er hægt að færa fram og tilbaka eftir þörfum sem gerir stofuna sveigjanlegri en með vegghengdu sjónvarpi. Kynntu þér úrvalið frá Pedestal í vefverslun Epal.is
pe
Fuglanir hennar Lisu Larson (1931-2024), sem var einn þekktasti og ástsælasti hönnuður Svíþjóðar, höfðu hreiðrað um sig í sumarhúsi hennar frá árinu 1967 sökum þess hve erfitt reyndist að framleiða þá. Næstum því gleymdir ásamt svo mörgum öðrum gimsteinum eftir þessa virtu listakonu sem skapaði list í yfir sjö áratugi.
Nú hafa fuglarnir verið endurvaktir og fá að leika frjálsir eftir að Design House Stockholm hóf framleiðslu á þessum líflegu fuglum sem innblásnir eru af blómlegu tímabilinu í kringum lok sjöunda áratugarins. Birds 1967, fuglarnir eftir Lisu Larsson eru mættir í Epal.
Sjáðu úrvalið í vefverslun Epal.is
Núna er rétti tíminn til að leggja inn pöntun fyrir útihúsgögnum! Nú bjóðum við 10% afslátt af öllum útihúsgögnum sem gildir til 11. maí.
Hjá okkur í Epal Skeifunni finnur þú úrval af glæsilegum og vönduðum útihúsgögnum sem endast vel, þola íslenskt veðurfar og henta fyrir fjölbreyttar aðstæður. Á meðal okkar fremstu fyrirtækja í útihúsgögnum sem notið hafa mikilla vinsælda síðustu ár eru dönsku fyrirtækin Skagerak by Fritz Hansen, Cane-line og HAY. Ásamt glæsilegum og klassískum útihúsgögnum frá VIPP, Carl Hansen & søn, Muuto, Mater og úrval frá Houe, sem er nýtt vörumerki í Epal.
Skagerak by Fritz Hansen er danskt hönnunarfyrirtæki stofnað árið 1976 og nýlega sameinað Fritz Hansen, framleiðir gæða húsgögn og smávöru með áherslu á framúrskarandi handverk og klassíska hönnun. Skagerak uppfyllir hæstu gæðastaðla þegar kemur að umhverfislegri ábyrgð og nota þau aðeins FSC vottaðan við í framleiðslu sína.
Danska hönnunarfyrirtækið HAY býður upp á úrval af vönduðum og nútímalegum útihúsgögnum. Palissade hefur vakið hvað mestu athyglina og nýtur mikilla vinsælda en um er að ræða útihúsgögn hönnuð af Ronan og Erwan Bouroullec fyrir HAY. Línan var hönnuð til þess að passa inn í fjölbreyttar aðstæður; kaffihús, veitingarhús, garðinn, svalir og á pallinn. Palissade samanstendur af stólum, bekkjum, borðum og hægindarstólum og eru í heildinni 13 ólík húsgögn að finna í línunni.
HAY kynnti einnig í fyrra til sögunnar CRATE útihúsgögn úr gegnheilli furu sem upphaflega voru hönnuð árið 1934 af hollenska arkitektnum og hönnuðinum Gerrit Rietveld.
Sjáðu allt úrvalið af útihúsgögnum frá HAY á vefsíðu þeirra hay.dk
Caneline er danskt hönnunarfyrirtæki með yfir 30 ára reynslu í hönnun og framleiðslu á hagnýtum og þægilegum húsgögnum. Caneline framleiðir hágæða viðhaldsfrí útihúsgögn sem þola vel veður, vind og frost. Caneline hefur hlotið fjöldan allan af verðlaunum í flokki útihúsgagna fyrir gæði og fallega hönnun.
Vörurnar eru hannaðar með skandinavíska sumardaga í huga þar sem að útihúsgögnin fullkomna stemminguna. Hönnuðir Caneline hafa haft það að leiðarljósi að láta aldrei útlit víkja fyrir notagildi, og eru húsgögnin því bæði falleg og þægileg. / Caneline.com
Þetta og enn meira úrval hjá okkur í Epal Skeifunni og í vefverslun Epal.is
Á Hönnunarmars í Epal verður til sýnis hlaðborð af nýrri og spennandi íslenskri hönnun ásamt því að við kynnum nýja vörulínu sem unnin er út frá baðmenningu Ísland. Á sýningunni má finna áhugaverða hönnun eftir fjölbreyttan hóp íslenskra hönnuða sem hafa náð góðum árangri á sínu sviði bæði hérlendis og sumir einnig á erlendri grundu.
Á meðal sýnenda eru: Arkitýpa, Aska bio Urns, bybibi, Dýpi, Elísa, Guðmundur Lúðvík, Hlynur Atlason, Kula by Bryndis, RÓ, Salún, Sigurjón Pálsson ásamt því að til sýnis er endurgerð á stól eftir Hjalta Geir.
Í ár kynnir Epal nýja vörulínu sem unnin er út frá baðmenningu Íslands. Heiti vörulínunnar er BAÐ sem unnin er í samstarfi við Flothettu, Ihanna Home, Margréti Jónsdóttur leirlistakonu og Sóley Organics.
Verkefnið BAÐ er samstarfsverkefni fjögurra íslenskra hönnuða fyrir Epal. Áherslan er á þróun á sígildum og fáguðum vörum sem hafa tengingu við okkar séríslensku baðmenningu. Baðmenning Íslands á sterka og langa sögu og hefðir. Epal telur vera vöntun á íslenskum vörum sem byggja á þessari sögu og gerir baðupplifun betri og innihaldsríkari fyrir heimamenn sem og erlenda ferðamenn. Þessa vegna var leitað til nokkurra sérfróðra hönnuða sem hafa þekkingu og reynslu hver á sínu sviði.
Hönnuðirnir sem koma að verkefninu eru: Ingibjörg Hanna Bjarnadóttir fyrir vörumerkið IHANNA HOME, Margrét Jónsdóttir leirlistakona, Unnur Valdís Kristjánsdóttir fyrir vörumerkið Flothettu og Sóley Elíasdóttir fyrir vörumerkið SÓLEY.
Hugverkastofan, Epal og React – alþjóðlegt samstarfsnet fyrirtækja gegn fölsunum, bjóða til sýningar á Hönnunarmars dagana 23.-27. apríl, í verslunum Epal í Skeifunni og á Laugarvegi, í tilefni af Alþjóðahugverkadeginum 26. apríl. Markmiðið er að vekja athygli á því af hverju við ættum að velja ekta vörur, virða hugverkaréttindi og forðast að kaupa eftirlíkingar. Hægt verður að skoða sýnishorn af fölsuðum vörum og bera saman við ekta fyrirmyndir og taka þátt í getraun um hvaða vörur eru ekta og hverjar ekki. Í verðlaun er ekta hönnunarvara í boði Epal.
Á meðal sýnenda á Hönnunarmars í Epal er BYBIBI sem hefur frá árinu 2013 haft að leiðarljósi að skapa vörur sem fela í sér gæði, einfaldleika og margþætt notagildi. Hönnuðurinn Sigríður Hjaltdal Pálsdóttir hefur unnið með postulín og sótt efnivið í íslenska náttúru ásamt því að endurnýta ýmislegt hráefni sem fellur til við aðra framleiðslu t.a.m. steypukjarna og afgangssteina
Salún er íslenskt hönnunarfyrirtæki sem sérhæfir sig í heimilistextíl. Salún er óður til hins einstaka, íslenska salúnavefnaðar en djörf munstrin byggja á hefðum og reglum sem salúnvefnaðurinn krefst. Menningararfur er Salún mikilvægur og við hönnun og framleiðslu á vörunum er lögð áhersla á að upphefja og sameina íslenskan menningararf sem samtvinnast í textíl-og sundlaugamenningu þjóðar.
Listakonan & hönnuðurinn Bryndís Bolladóttir sameinar skúlptúrgerð og endurnýtingu ullar & tvinnar það saman við verkfræðilega virkni. Kula by Bryndis er hönnunarfyrirtæki Bryndísar Bolladóttur. Markmið þess er að skapa kyrrð með náttúrlegum efnum og skýrskotunum. Leiðarstef Kula by Bryndis er nýtni og heilbrigð tengsl við umhverfið. Með rannsóknum og prófunum hefur Bryndísi tekist að þróa einstaka afurð.
Sigurjón Pálsson húsgagnaarkitekt sýnir nýja fígúru, Sólon sem gerður er úr íslenskri gæru, ásamt stafnum Sir Sör. Þekktastur er Sigurjón fyrir Vaðfuglana sem framleiddir eru af danska hönnunarfyrirtækinu Normann Copenhagen og njóta mikilla vinsælda.
ARKITÝPA er samstarf tveggja arkitekta; Ástríðar Birnu Árnadóttur FAÍ og Karitas Möller FAÍ.
“Á sýningunni á Hönnunarmars 2024 leitumst við eftir að fullgera hið arkitýpíska form, innan þess tilraunakennda leiksviðs sem hringrásarefnið gefur; að vekja löngun til þess að taka það með sér heim, til áframhaldandi ljóðrænna upplifana í samspili rýmis og efnis. Við höldum áfram að kanna hið arkitýpíska formtungumál og það hvernig formheimur hlutarins rímar við endurnýjuð efni og leikandi form, í ljóðrænu samtali við rýmisvitundina.
Hversdagslegir hlutir hljóta æðri tilgang þegar endurheimt efni og fljótandi form fléttast saman í ljóðrænan rýmisskúlptúr.”
Aska Bio Urns duftkerin eru tileinkuð sjálfbærum lausnum til minningar fyrir bæði fólk og gæludýr. Duftkerin, sem eru niðurbrjótanleg og unnin úr endurunnum pappír og draga úr úrgangi og varðveita auðlindir. Þau eru gerð úr sellulósa (beðma) úr pappa og dagblöðum og eru tætt niður án líms eða eiturefna, sem tryggir hinn lífræna, endurvinnanlega og niðurbrjótanlega eiginleika. Skuldbinding okkar er til grænni framtíðar og býður upp á leið til að heiðra ástvini af virðingu á sama tíma og við stuðlum að heilbrigðari veröld. Framleiðsluferli duftkerjanna endurspeglar hringrás náttúrunnar og felur í sér hollustu okkar til sjálfbærrar framleiðslu.
Í sinni nýju línu kynnir íslenska hönnunarfyrirtækið RÓ, RÓSEMI legubekk með RÓ ullardýnu og RÓ Flóru hugleiðslu púðum innblásnum úr fegurð hráefnana og litum úr umhverfinu.
RÓ byggir hönnun sína á rannsóknum á nýtingu náttúruleg, staðbundin og endurnýjanleg efni; Íslensk ösp, jurtaliti og marglit ull, í samhljóm við hringrásarhagkerfi, fagurfræði og vellíðan fyrir fólk og plánetu.
Nýtt, en gamalt, íslenst leikfang fer í framleiðslu. Leikfangið Elísa er bæði leikfang og hönnunargripur
Það er lítið gat í hönnunarsögu Íslands. Leikfangið “Elísa” er nytjalist sem var hönnuð 1961 af listakonunni Elísu Steinunni Jónsdóttur. Fátt var um íslensk leikföng á þeim tíma og í stað þess að kaupa léleg influtt leikföng þá fór hún að hanna sín eigin fyrir börnin sín. Þannig varð leikfangið sem er kallað í höfuð hennar, Elísa, til. Lét hún búa til nokkur prufueintök en leikfangið fór aldrei í framleiðslu. Eitt af þessum prufueintökum er til sýnis í Epal á sýningu þeirra fyrir Hönnunarmars.
Núna er verið að vinna í því að setja leikfangið í fyrsta skipti í framleiðslu og kynna það fyrir íslenskum börnum og foreldrum þeirra. Leikfangið er ætlað börnum frá 12 mánuðum til 3.5 árs aldurs og verður það unnin úr sjálfbærum við og umhverfisvænni málningu sem er örugg fyrir ung börn að leika sér með.
Sérstaða verkefnis –
Þetta verkefni er einstakt því leikfangið Elísa er áhugaverð viðbót við hönnunarsögu Íslands. Sú saga er auðvitað frekar stutt og tengt tveimur mönnum sem eru óbeint þekktir fyrir leikfangahönnun – Manfreð Vilhjálmsson og Dieter Roth. Elísa Steinunn var á svipuðum tíma með leikfangið sitt og breytir því sögunni aðeins. Núna er áhugi og eftirspurn eftir íslenskri hönnun að aukast – og því er verið að nýta þetta tækifæri til að koma á framfæri þessu óþekkta en merkilega verkefni í hönnunarsögunni okkar.
Verslunin Epal hefur sýnt verkefni okkar áhuga, vill styrkja það og selja Elísu í verslunum sínum. Sýnir það að við erum með áhugaverða vöru í höndunum – vöru sem er ný en á gömlum grunni, er unnin með umhverfisvænum og sjálfbærum efnum, unnin af konu og er ákveðið týnt púsl í hönnunarsögu Íslands.
Dypi ~ islensk kalkmálning Dypi er umhverfisvæn kalkmálning úr vottaðri náttúruafurð – kalkþörungum úr Arnarfirði á Vestfjörðum. Dýpi er fyrsta Íslenska kalkmálingin sem er unnin úr vottuðu Sjavarkalki. Dýpi er lifandi kalkmáling sem myndar skemmtilegt samspil milli þess sem málar og rýmis. Áferð er styrt eftir penslum og hreyfigum við málun flatar.
Árný er arkitekt og Sirrý er frumkvöðull. Verkefnið er unnið í samstarfi við Sérefni og Íslenska Kalkþörungarfèlagið.
Timbur er nýr bekkur sem húsgagnahönnuðurinn Guðmundur Lúðvík hannaði fyrir danska húsgagnaframleiðandann Carl Hansen & Søn.
Hjalti Geir Kristjánsson (1926-2020) húsgagnaarkitekt hannaði borðstofustólinn fyrir KS húsögn árið 1963. Stóllinn naut mikilla vinsælda og má finna víðsvegar á íslenskum heimilum. Stóllinn var framleiddur í um tíu ár eftir að hann kom fyrst fram á sjónarsviðið og er nú kynntur aftur til sögunnar af Epal.
Endurgerð útgáfa stólsins úr eik, með bólstraðri setu, verður framleiddur af Epal haustið 2024.
„Ég hef stundum sagt að stóllinn fyrir húsgagnaarkitektinn sé eins og súpan fyrir kokkinn. Það er mikill vandi að útbúa stól. Þegar ég var að þróa þennan þá hef ég ábyggilega búið til ég veit ekki hvað mörg eintök áður en lokaútgáfan varð til. Það þurfti að stækka þetta og breikka hitt. Það þarf mikla yfirvegun þangað til að það er komið í þetta form eins og hér er.“ Hjalti Geir, viðtal í Morgunblaðinu, 28.02.16.
Tveir sérfræðingar frá Montana og Fritz Hansen verða hjá okkur dagana 10. – 13. apríl og í tilefni þess er 20% afsláttur af öllum vörum frá Montana og 20% afsláttur af öllum borðum frá Fritz Hansen.
