Við viljum benda á að vöruúrval okkar í verslun Epal í Skeifunni er enn stærra en vefverslun okkar býður uppá. Við tökum vel á móti ykkur og svörum öllum fyrirspurnum sem okkur berast.
Óli er menntaður húsasmíðameistari en hefur unnið sem listgreinakennari og kennt leir í mörg ár. Með kennslunni stundar hann sína leirlist á vinnustofu sinni þar sem hann handgerir allar sínar vörur sjálfur og er því hver og einn hlutur einstakur á sinn hátt.
Að vinna með leir er eins og ævintýri, alltaf eitthvað nýtt og spennandi og möguleikarnir í stöðunni óteljandi. Náttúrulegir eiginleikar leirsins verða stundum til þess að hann fer sínar eigin óvæntu leiðir og endastöðin verður kannski önnur en maður ætlaði sér í upphafi.
