Spider frá Stelton

Spider er glæný vara frá Stelton sem hentar mjög vel til að geyma myndir, boðskort eða skilaboð á ísskápnum. En Spider festist auðveldlega á ísskápnum vegna þess að það er segull í miðjunni. Einnig er hægt að skrúfa Spider á vegg eða annað yfirborð þar sem segull hentar ekki.

Út frá miðjunni eru svo átta armar sem halda skilaboðunum þínum á sínum stað.

Jakob og Karsten Gudiksen hönnuðu Spider fyrir Stelton.

Spider kostar 5.650 kr.

Twilight frá Stelton

 

Twilight er nýr kertastjaki frá Stelton sem er hannaður af Steve McGugan. Þetta er fyrsti hluturinn sem McGugan hannar fyrir Stelton, en hann hefur áður unnið sem hönnuður fyrir Bang & Olufsen og Ericsson.

Kertastjakinn kemur í tveimur stærðum og er hægt að raða þeim saman með því að láta þann stærri yfir þann minni.

Lítilll stjaki kostar 11.700 kr. og sá stærri 14.250 kr.

PH 50 – afmælisútgáfa

Á seinasta ári átti PH 5 lampinn frá Louis Poulsen 50 ára afmæli. Í tilefni þess var ákveðið að gera sérstaka afmælisútgáfu af lampanum.

Afmælisútgáfan finnst í fimm litum og eru þeir eftirfarandi: chili red (rauður), mint blue (ljós blár), wasabi green (grænn), coconut white (hvítur) og olive black (svartur).

Lampinn kostar 109.500 kr. og er aðeins til í takmörkuðu upplagi.

 

Herb Stand og Herb Garden

Herb Stand er ný vara frá Normann Copenhagen. Þetta er kryddjurtastandur sem er tilvalinn í eldhúsgluggann undir myntuna í mojitoinn og fyrir graslaukinn í bökuðu kartöfluna. Það fylgja skæri með og þau geymast ofan í miðjum standinum.

Herb Stand kostar 4.950 kr.

Svo má ekki gleyma Herb Garden frá Royal VKB sem er búinn að vera í sölu hjá okkur síðan síðasta sumar. Ég mundi lýsa Herb Garden sem kryddjurtagarði í eldhúsinu, vegna þess að þar er hægt að planta mörgum kryddjurtum í sama rýmið.

Herb Garden kostar 4.900 kr.

Myndband af sýningunni í gær

Ef þú misstir af opnuninni í gær á sýningunni hans Péturs B. Lútherssonar, þá er heppnin með þér, því hérna fyrir neðan er smá myndbandsbrot af sýningunni.

{youtube}g_Pf9LiWoJc{/youtube}

En sýningin stendur í þrjár vikur og er hjá okkur í Skeifunni 6.

Gagnlegt á Góunni

Nú á fimmtudaginn munum við opna sýningu á verkum eftir Pétur B. Lúthersson, húsgagna- og innanhússhönnuð. Hér verða til sýnis fatahengi, stólar og skápar, all framleitt af Íslendingum.
Sýningin stendur í þrjár vikur. Endilega láttu sjá þig.