Swoon Lounge Petit hægindarstóll frá Fredericia á tilboði

Við kynnum nýtt og spennandi tilboð á glæsilegum Swoon Lounge Petit hægindarstól sem hannaður er af Space Copenhagen fyrir Fredericia. Bólstraður stóllinn er einstaklega þægilegur og hægt er að velja úr úrvali af áklæðum og sérsníða stólinn þannig þínu heimili. Stóllinn hentar einnig vel fyrir opinber rými svosem hótel, bar eða skrifstofurými.

Hægt er að velja um Swoon Lounge Petit stól með viðarfótum eða á snúningsfæti. Fætur: Eik/olía – eik/sápa – hnota. Gildistími tilboðs er frá 1. febrúar – 30. apríl 2020.

 

 

 

 

75 ára afmælisútgáfa J16 í hnotu – einstakur safngripur

Í tilefni 75 ára afmælis J16 ruggustóls Hans J. Wegner kynnir Fredericia þessa klassísku hönnun í fyrsta sinn úr gegnheilli hnotu.
J16 ruggustóllinn er talinn fyrirmynd klassískrar danskrar húsgagnahönnunar. Fyrsta framleiðsla afmælisútgáfu J16 verður áletruð með afmælistexta ásamt undirskrift Hans J. Wegner. 
Aðeins til sölu frá 1. – 15. nóvember.

Heimsókn frá Fredericia Furniture og 15% afsláttur dagana 10. – 12. október

Sérfræðingur frá Fredericia Furniture er í heimsókn í Epal Skeifunni og í tilefni þess bjóðum við 15% afslátt af öllum vörum frá Fredericia dagana 10. – 12. október. Kíkið við og gerið góð kaup!

Fredericia Furniture er danskur húsgagnaframleiðandi með sögu sem nær aftur til ársins 1911. Fredericia framleiðir hágæða húsgögn með áherslu á handverk og þá fagurfræði sem dönsk húsgagnahönnun er þekktust fyrir. Þekktust eru húsgögn hönnuð af Børge Mogensen þar má m.a. nefna J39 stólinn og Spánska stólinn sem eru á meðal þekktustu stóla sem hannaðir hafa verið í sögu húsgagnahönnunar.

 

 

60 ÁRA VIÐHAFNARÚTGÁFA – SPÁNSKI STÓLLINN

SPÁNSKI STÓLLINN – 60 ÁRA VIÐHAFNARÚTGÁFA, 1958 – 2018

Spánski stóllinn fagnar 60 ára afmæli – hannaður af Børge Mogensen árið 1958 og framleiddur af Fredericia. Óaðfinnanlegt handverk og einstakur efniviður sameinast í þessu meistaraverki

Í tilefni þess að 60 ár eru frá því að Spánski stóllinn var hannaður kynnir Fredericia viðhafnarútgáfu úr gegnheilli eik með glæsilegu ólívugrænu hnakkaleðri. Til heiðurs verka Børge Mogensen hefur Fredericia farið í gegnum skjalasafn meistarans og uppgötvað þennan náttúrulega lit sem var jafnframt í uppáhaldi hjá Mogensen og var afar ríkjandi á heimilum á þessum tíma. Núna í fyrsta sinn verður Spánski stóllinn fáanlegur í þessum fallega lit og markar 60 ár af óaðfinnanlegu handverki og einstakri hönnun. 

 

NÝTT OG STÆKKANLEGT BORÐ FRÁ FREDERICIA // ANA

Ana er nýtt og stækkanlegt borðstofuborð frá danska húsgagnaframleiðandanum Fredericia, hannað af danska hönnunarstúdíóinu Arda. Borðið býður upp á mikla möguleika með butterfly stækkun sem geymir stækkunina í borðinu sjálfu. Ana borðið sameinar tímalausa hönnun, framúrskarandi handverk, lipra virkni og er fullkomið val fyrir heimilið með fjölbreytta notkunarmöguleika – frá fjölskyldusamkomum til viðskiptafunda.

Einfaldar línur og létt yfirbragð einkenna Ana borðið sem er stækkanlegt frá 220 – 320 cm og komast allt að 12 gestir fyrir við borðið. Ana fæst í fjölbreyttum útgáfum – kynntu þér úrvalið í Epal Skeifunni.