Síða 55 – Epal

INNBLÁSTUR FRÁ DESIGN LETTERS

Posted on 14/02/2017 by blogg

Danska merkið Design Letters sendir reglulega frá sér fallegar myndir af vöruúrvali sínu sem gefa góðar hugmyndir. Epal er stoltur söluaðili Design Letters sem slegið hafa rækilega í gegn á Íslandi.

Design Letters er danskt hönnunarmerki sem stofnað var árið 2009 og framleiðir vörur fyrir heimilið sem skreyttar eru leturgerð Arne Jacobsen sem hann teiknaði árið 1937. Vörulína Design Letters nýtur mikilla vinsælda og er sífellt að bætast við vöruúrvalið spennandi og vandaðar vörur fyrir heimilið með grafísku ívafi.

Sjáðu úrvalið í vefverslun Epal með því að smella HÉR.

Blogg

VALENTÍNUSARDAGURINN 2017

Posted on 13/02/2017 by blogg

Ef þú ert að leita að hinni fullkomnu Valentínusargjöf handa ástinni þinni þá eigum við til mikið úrval af fallegum tækifærisgjöfum. Fyrst og fremst er það LOVE lakkrísinn sjálfur frá Lakrids by Johan Bülow sem er ómótstæðilega góður og ekki skemmir fyrir hversu fallega hannaðar umbúðirnar eru. Í ár er lakkrísinn til í hefðbundnu stærðunum, stór og lítill ásamt fallegri öskju „20 kisses“ sem inniheldur 20 litla poka sem fylltir eru með sitthvorum LOVE lakkrís molanum, tilvalið til að deila með ástinni sinni.

LOVE lakkrísinn er í ár annarsvegar súkkulaði og hindberjahúðaður chili lakkrís (dökkt súkkulaði) og hinsvegar sólberja og súkkulaðihúðaður sætur lakkrís (hvítt súkkulaði). Báðir eru einfaldlega ómótstæðilega góðir og við mælum með að smakka báðar tegundir, þú verður ekki svikin/n!

Blogg

LOUIS POULSEN KYNNIR NÝTT LJÓS: ABOVE

Posted on 02/02/201703/02/2017 by blogg

Louis Poulsen kynnir Above sem er nýtt ljós hannað af danska hönnuðinum Mads Odgård.

Above veitir þægilega birtu og keilulaga form þess ásamt möttu hvítlökkuðu innvolsi hjálpar til við að dreifa birtunni jafnt. Above er einfalt og elegant ljós sem mun njóta sín vel á heimilum sem og í opinberum rýmum.

Blogg

NÝTT FRÁ MONTANA: PANTON WIRE GOLD

Posted on 02/02/201717/02/2017 by blogg

Verner Panton hannaði Panton Wire hilluna árið 1971. Danski hönnunarframleiðandinn Montana heiðrar núna heimsþekkta danska hönnuðinn og framleiðir Wire í takmarkaðri gylltri útgáfu. Gyllta útgáfan hefði án efa glatt mikið einn litríkasta hönnuð allra tíma, Verner Panton.

Náinn vinskapur þeirra Verner Panton og Peter J. Lassen stofnanda Montana er mörgum kunnur, og kemur því ekki á óvart að Montana vilji heiðra hönnuðinn með því að bæta við enn einum litnum í litaheim Panton, gylltum.

Panton Wire hillan í gylltu er falleg sem stök eining en einnig nokkrar saman á gólfi eða upphengdar á vegg. Útbúðu einfalda bókahillu, notaðu staka Wire hillu sem náttborð eða settu saman fjórar Wire hillur og notaðu sem sófaboð.

Verð 36.700 kr.

Panton Wire njóta nú þegar vinsælda og hægt er að nota þær jafnt sem hillur, náttborð eða hliðarborð í stofunni. Ótal möguleikar með þessari skemmtilegu hönnun.

Blogg

ÚTSALA Í EPAL SKEIFUNNI

Posted on 27/01/2017 by blogg

Verið velkomin á frábæra útsölu í verslun okkar í Epal Skeifunni – allt að 70% afsláttur!

Blogg

GYLLT AFMÆLISÚTGÁFA AF TOLOMEO LAMPANUM FRÆGA

Posted on 18/01/2017 by blogg

Tolomeo lampinn var hannaður af Michele De Lucchi og Giancarlo Fassina árið 1986 fyrir ítalska hönnunarframleiðandann Artemide. Tolomeo lampinn er ítalskt hönnunartákn, einstaklega fallegur og stenst tímans tönn. Í tilefni af 30 ára afmæli Tolomeo lampans kynnum við sérstaka afmælisútgáfu í gylltu!

Þennan glæsilega safngrip er hægt að skoða í verslun okkar í Skeifunni 6.

Verð: 25.800 kr. / 37×46 cm.

Hér að neðan má sjá upprunalega Tolomeo lampann í gráu.

Blogg

NÝTT: HÆNAN EFTIR SIGURJÓN PÁLSSON

Posted on 16/01/2017 by blogg

Við kynnum nýja hönnun eftir Sigurjón Pálsson, Hænuna.

Sigurjón Pálsson er menntaður húsgagnaarkitekt frá Danmarks Designskole– en uppá síðkastið hefur hann mest verið þekktur fyrir fuglinn „Shorebird“ sem er framleiddur af hinu þekkta danska fyrirtæki Normann Copenhagen. Einnig er Sigurjón rithöfundur og hefur gefið út tvær sakamálasögur og þess má nefna að hann vann hin virtu verðlaun blóðdropan fyrir bestu sakamálasöguna 2012.

Í hönnun sinni leitast Sigurjón við að sameina efni, form og notagildi þannig að úr verði einföld og samhæfð heild þessarar þrenningar.

Um Hænuna segir:

„Frá því að maðurinn hóf akuryrkju hefur hænan fylgt honum og verið ómissandi þáttur í lífi hans. Ómögulegt er að hugsa sér lífið án hennar, því þótt mildilegt gaggið heyrist ekki í þéttbýli lengur, né ábúðarfullt gal hanans á morgnana, þá finnum við fyrir notalegri návist hennar með því sem hún leggur okkur til dag hvern.

Þessi huggulegi fugl sem áður fyrr einkenndi hvert heimili með nærveru sinni og iðjusemi: taktöstu goggi eftir æti í næsta umhverfi þess, launaði öryggið sem vinskapurinn við fjölskylduna veitti henni, með fæðuöryggi. Enn þann dag í dag gætir nærveru hennar í híbýlum okkar og veitir sömu notalegu hughrifin.

Hænan fæst í Epal og kostar 5.900 kr.-

Blogg

NÝTT FRÁ STRING

Posted on 12/01/2017 by blogg

Núna á dögunum komu út nýjar og glæsilegar myndir frá String sem sýna nokkrar spennandi nýjungar sem bætast núna við vöruúrval þeirra ásamt því að gefa margar góðar hugmyndir að uppröðunum. String hillukerfið nýtur alltaf jafn mikilla vinsælda en það var hannað árið 1949 af sænska arkitektnum Nils Strinning. Hillurnar hafa síðan þá orðið að nokkurskonar hönnunartákni en ástæðurnar fyrir því eru nokkrar, hillurnar þykja afar hentugar og auðvelt er að bæta við skápum og hillum að vild og sérsníða String hillurnar að þínum þörfum. Hillurnar koma í nokkrum útgáfum og er þekktasta útgáfan String með umgjörð úr málmi ásamt litlum String Pocket vegghillum.

Myndir: String

Blogg

MENU VOR/SUMAR 2017

Posted on 10/01/201710/01/2017 by blogg

Menu á rætur sínar að rekja aftur til ársins 1979 og er það í dag eitt fremsta danska hönnunarmerkið. Menu framleiðir bæði klassíska og nútímalega hönnun og njóta vörur þeirra mikilla vinsælda á skandinavískum heimilum og fer þar fremst í flokki POV kertastjakarnir frægu. Í ár eru væntanlegar margar nýjungar, vörurnar eru eins og áður í minimalískum stíl og eru náttúruleg efni í forgrunni. Við erum spennt fyrir komandi ári með Menu og hlökkum til að bæta við þessum fallegu vörum frá þeim við okkar vöruúrval. // Vörurnar eru væntanlegar með vorinu.

Blogg

STELTON VOR/SUMAR 2017

Posted on 09/01/2017 by blogg

Væntanleg vor og sumarlína frá Stelton er glæsileg að vanda og eigum við von á nýjum litum á áður þekktum vörum ásamt splunkunýrri viðbót við annars frábært vöruúrval þeirra. Klassíska EM77 hitakannan kemur í nýjum litum með vorinu sem munu eflaust gleðja marga hönnunaðdáendur ásamt því að vinsælu „to go“ hitamálin koma í nýjum og ferskum litum.