Þrír sérfræðingar frá eftirtöldum fyrirtækjum verða hjá okkur núna um helgina, 7-8.júní. Carl Hansen & son, Montana og Eilersen. 20% afsláttur verður veittur af öllum pöntunum og sýningarvörum frá þessum aðilum um helgina.

Húsgagnasmiðurinn Carl Hansen stofnaði fyrirtæki sitt upphaflega árið 1908 með það að leiðarljósi að framleiða og smíða framúrskarandi hágæðahúsgögn. Sonur hans Holger tók síðar yfir fyrirtækið og hafði þá frumkvæði að því að framleiða húsgögn eftir Hans J. Wegner sem var þó óþekktur á þeim tíma. Eins og við vitum flest varð Hans J. Wegner einn frægasti húsgagnahönnuður heims og hefur fyrirtækið Carl Hansen & son orðið leiðandi húsgagnaframleiðandi á danskri hönnun.

Peter J. Lassen stofnaði Montana Møbler árið 1982, Montana er fjölskyldufyrirtæki og fer öll framleiðslan fram í Danmörku. Montana eru hillueiningar fyrir heimili og skrifstofur og er hægt að móta hillurnar á ýmsa vegu og koma þær einnig í mörgum litum. Því er hægt að fá hillur sem henta þér fullkomnlega og gera rýmið einnig persónulegra.

Danski húsgagnaframleiðandinn Eilersen á sögu sína að rekja allt aftur til ársins 1895 þegar hinn ungi Niel Eilersen starfaði sem hestakerrusmiður. Hann var sá fyrsti í Danmörku til að nota gufu til að beygja við, en þá aðferð notaði hann til að smíða kerruhjólin. Þegar sá tími kom að bílar tóku við af hestukerrum hóf Eilersen verksmiðjan að smíða sæti í bíla og rútur. En þegar að verksmiðjan brann til kaldra kola árið 1934 breyttust áherslur Eilersen algjörlega sem hóf þá að framleiða hágæða bólstruð húsgögn. Í dag rekur fjórða kynslóð Eilersen fjölskyldunnar verksmiðjuna sem einbeitir sér að hönnun og smíði á gæðasófum sem njóta mikilla vinsælda í dag um heim allann.

Kíktu við um helgina og gerðu góð kaup!

Saga þýska hönnunarfyrirtækisins HEWI nær allt aftur til ársins 1929 þegar fyrirtækið var stofnað af Heinrich Wilke. Í dag er fyrirtækið margverðlaunað og leiðandi á sviði aðgengishönnunar, en það hannar og framleiðir m.a. ýmis stuðningshandföng, baðbekki, handlaugar, salernisstoðir og aðra hönnun fyrir baðherbergi með notagildi og fullkomið aðgengi í huga. HEWI hefur margoft unnið alþjóðlegu Red Dot verðlaunin fyrir bestu hönnunina, og árið 2011 unnu þeir verðlaunin “Architects Favourite” í flokki Aðgengishönnunar, en baðherbergislína HEWI nýtur mikilla vinsælda meðal arkitekta og innanhússhönnuða um heim allann.

Um helgina er Trinidad stóllinn hennar Nönnu Ditzel á 50% afslætti.

Trinidad er án efa ein allra vinsælasta hönnun Nönnu Ditzel fyrr og síðar, en stóllinn var hannaður árið 1993 og er framleiddur í Danmörku af Frederica Furniture. Trinidad er gott dæmi um móderníska klassíska hönnun og hefur hann unnið hönnunarverðlaun, m.a. virtu dönsku hönnunarverðlaunun ID prize árið 1995. 

Room Copenhagen er nýtt og frábært hönnunarfyrirtæki sem við vorum að taka inn í Epal. Þau framleiða Pantone Universe, Lego og Paul Frank vörur fyrir heimilið.

Í yfir 50 ár hefur Pantone verið leiðandi litakerfi í heiminum. Room Copenhagen hefur í samstarfi við Pantone og Knud Holscher Design studio hannað línu af litríkum vörum undir nafninu Pantone Universe fyrir heimilið eða skrifstofuna, í þínum uppáhalds lit.

Smekklegt við morgunverðarborðið.

Undir osta, ólívur og annað góðgæti.

Á skrifborðið og undir smáhluti.

Á baðherbergið undir sápu, einnig sniðugt til að leggja frá sér skart.

Einnig eru Lego vörurnar nýjar hjá okkur í Epal og hafa þær fengið frábærar móttökur.

Skemmtileg hönnun frá Room Copenhagen.

Easy chair var hannaður árið 2004 af Jerszy Seymour fyrir hönnunarfyrirtækið Magis.

Hann er staflanlegur og kemur í nokkrum fallegum litum.

Þessi frábæri plaststóll er hugsaður sem bæði inni og útistóll, hann er þægilegur og léttur og því auðvelt að leyfa honum að flakka inn og út á komandi góðviðrisdögum.

Savoy vasinn var hannaður árið 1936 af Alvar Aalto og eiginkonu hans Aino Aalto. Alvar Aalto sendi inn fyrstu teikningar af vasanum í keppni sem haldin var af Karhula -Iittala verksmiðjunni og vann hann fyrsta sæti, tillaga hans voru nokkrar grófar skissur teiknaðar með blíanti og vaxlitum.  Vasarnir voru framleiddir og sýndir á heimssýningunni í París árið 1937 þar sem þeir slógu í gegn og klassíkin var fædd.

Savoy vasarnir eru í dag finnskt hönnunartákn og eru eflaust ein frægasta glerhönnun í heimi.

LEGO hirslurnar frá Room Copenhagen eru skemmtileg geymslulausn fyrir heimilið, í stofuna jafnt sem barnaherbergið. Vörulínurnar eru tvær, LEGO geymslubox og LEGO nestisbox, boxin eru öll staflanleg og koma í ýmsum stærðum og litum. Einnig eru til flottir LEGO hausar sem hægt er að geyma ýmislegt í og eru skemmtilegt hilluskraut.

LEGO boxin eru staflanleg og nýtast því vel í minni rými.

LEGO boxin gera tiltektina skemmtilega og auðvelda fyrir börnin.

LEGO nestisboxin eru frábær fyrir skólann og ferðalögin, sniðugt er að setja litla LEGO kubba ofan í stærra boxið og geyma í því t.d. hnetur eða ávexti og drykkjarflaska með LEGO tappa gerir nestisstundina skemmtilegri fyrir börnin.

LEGO boxin eru ný í Epal, kíktu við og skoðaðu úrvalið.

Þessir litríku og skemmtilegu kollar komu nýlega á markað frá danska hönnunarfyrirtækinu OK Design. Þeir passa vel við Acapulco og Condesa stólana sem fyrirtækið er frægast fyrir, en stólarnir ásamt kollunum eru framleiddir í úthverfi í Mexico City þar sem atvinnuleysi, eiturlyf og ofbeldi er daglegt líf fólks. OK Design er því stolt af því að með velgengni sinni hafa þau getað boðið ungu fólki sem var komið á götuna, vinnu í heilbrigðu umhverfi á sanngjörnum launum. Þess má geta að Acapulco stóllinn dregur nafn sitt af Acapulco flóanum í Mexíkó sem var frægur um 1940 meðal helstu Hollywood stjarna t.d. Elvis Presley og John Wayne, en stóllinn fór fyrst í framleiðslu um árið 1950.

Centro kollarnir koma í nokkrum litum.

 Hægt er að kynna sér frekar hönnunarfyrirtækið OK Design á vefsíðu þeirra HÉR.

Bókin Northern Delights: Scandinavian homes, interiors and design eftir Emmu Fexeus er loksins komin í Epal.

Margir hafa beðið eftir bókinni með eftirvæntingu en Emmu Fexeus er eins og sumir vita, frægasti hönnunarbloggari í Skandinavíu og heldur hún úti bloggsíðunni Emmas designblogg. Bókin sem gefin er út af Gestalten er einstaklega eiguleg og flott, og er í rauninni hin fullkomna bók til að hafa á stofuborðinu og geta gluggað í við tækifæri og sækja sér innblástur frá fallegum norrænum heimilum og hönnun.

Það ætti enginn hönnunar og -heimilisunnandi að láta þessa bók framhjá sér fara, og við mælum svo sannarlega með henni.

Erik Jørgensen (1928-1998) var lærður bólstrari og söðlasmiður og stofnaði hann fyrirtæki sitt Erik Jørgensen Møbelfabrik árið 1954 í Svendborg. Upp úr 6.áratugnum var Erik mjög upptekinn af þeirri hugmynd að endurhanna hinn hefðbundna sófa og gera þetta vinsæla húsgagn fagurfræðilega aðlaðandi og þægilega upplifun í senn. Erik hafði hæfileika í því að sameina gott handverk og þekkingu á efnum við nýjustu tískubylgjur í hönnun og var útkoman kassalaga sófinn EJ220 sem fagnar nú 40 ára afmæli.