Blogg, Nýjungar

Nýtt frá Lakrids Lovers – COPENHAGEN SUMMER

Posted on by blogg

COPENHAGEN SUMMER er nýjasta útgáfan úr Lakrids Lovers línunni frá Lakrids by Bülow. Copenhagen Summer er ástaróður til ljúfra sumarstunda í Kaupmannahöfn, með báta siglandi um glitrandi síkin, kaffihúsin uppljómuð við Nýhöfn, reiðhjól skröltandi á sólríkum hellulögðum götum, og hláturinn sem berst frá Tívolí garðinum á hlýjum kvöldum.

COPENHAGEN SUMMER sameinar spennandi bragð af appelsínu og sólþroskuðum hindberjum við rjómalagað dulce súkkulaði og mjúka rauða lakkrísmiðju – þetta er lakkrís í hæsta gæðaflokki. Sæt, fersk og sumarleg blanda sem færir þig beint til Kaupmannahafnar með einum bita.

Lakrids Lovers eru sérútgáfur í litlu upplagi sem einkennast oft af spennandi bragðtegundum sem lagðar eru undir alvöru lakkrísunnendur sem fá að spá fyrir um framtíðarmögleika vörunnar. Áður hafa verið framleiddar sérútgáfur Lakrids Lovers af, Lime Crackle, Salty Rasberry, Sour Strawberry, Golden Oranges og fleiri bragðtegundum sem sumar hverjar hafa fengið að verða hluti af vöruúrvali Lakrids by Bülow. Sérstakar Lakrids Lovers útgáfur frá Lakrids by Bülow eru aðeins framleiddar í mjög litlu upplagi og koma þær með QR kóða með könnun þar sem þú gefur þitt álit um bragð, áferð og hönnun lakkrísins. Þannig geta aðdáendur Lakrids by Bülow haft áhrif á framtíð vörunnar.

Nældu þér í eintak í vefverslun Epal.is

Blogg, Nýjungar

100 ár með Verner Panton – Panthella í upprunalegri útgáfu

Posted on by blogg

Þann 13. febrúar 2026 er 100 ára fæðingarafmæli danska hönnuðarins Verner Panton.

Verner Panton var fæddur í Danmörku árið 1926. Hann útskrifaðist sem arkitekt frá Konunglegu Listaakademíunni í Kaupmannahöfn árið 1951 og er talinn einn áhrifamesti hönnuður Danmerkur á síðustu öld í húsgagna- og innanhússhönnun. Á ferli sínum hannaði hann frumlega og framandi hluti og vann hann mikið með plast í björtum og skærum litum undir áhrifum sjöunda áratugarins.

Í tilefni af 100 ára fæðingarafmæli Verner Panton kynnir Louis Poulsen klassíska Panthella lampann í upprunalegri mynd. Fimm retro litir á skermi og krómaður fótur, alveg eins og Verner Panton hannaði lampann fyrst og var kynntur til sögunnar árið 1971. Panthella lampinn er tímalaus hönnun sem vekur eftirtekt.

Nældu þér í eintak í vefverslun Epal.is

Blogg, Nýjungar

Love lakkrísinn er mættur!

Posted on by blogg

LOVE lakkrísinn er mættur í Epal!  Peaches og Strawberry & Cream!
Peaches sameinar sætt bragðið af safaríkum ferskjum við lakkrís sem hjúpaður er með hvítu súkkulaði.
Strawberry & Cream er sætur súkkulaðihjúpaður lakkrís með hvítu súkkulaði ásamt bragði af jarðarberjum og rjóma.
LOVE lakkrísinn er ómótstæðilegur og við mælum með að smakka báðar tegundir!

Smelltu hér til að tryggja þér eintak. 

Blogg, Nýjungar

Höfðinginn eftir Gunnar H. Guðmundsson

Posted on by blogg

Höfðinginn eða „Chieftain“ er eitt þekktasta verk eftir Gunnar H. Guðmundsson, húsgagnahönnuð og arkitekt.Gunnar starfaði lengi hjá Húsameistara Reykjavíkur og vann einnig sjálfstætt. Hann hannaði húsgögn og innréttingar fyrir ýmis hús, þar á meðal Landsbankann og móttökuhúsið Höfða í Reykjavík.

Höfðinginn sem Gunnar hannaði árið 1961 hlaut verðlaun á hönnunar- og handverkssýningu í München sama ár og vakti einnig athygli á húsgagnasýningu í Olympia Centre í London árið 1974. Höfðinginn hefur lengi verið talinn verðmætur safngripur og hefur verið seldur á uppboðum fyrir verulegar fjárhæðir.

Nú er þessi klassíska hönnun komin í framleiðslu aftur og í sölu hjá Epal.

Smelltu hér til að skoða Höfðingann í vefverslun Epal.

Blogg, Epal

Brotabrot – 50 ára afmælisbók Epal

Posted on by blogg

Bókin brotabrot úr 50 ára sögu Epal er komin út. Þessi bók inniheldur brotabrot af sögu Epal sem hefur verið hluti af íslensku menningar- og heimilislífi í 50 ár, þar sem góð hönnun hefur verið ómissandi í hversdagslífi okkar. Í bókinni sem er yfir 150 blaðsíður er farið er yfir sýningar og samstörf síðastliðinna áratuga, ásamt ýmsum fróðleik um hönnun og fólk sem tekið hefur þátt í sögu Epal. Bókin er fáanleg í öllum verslunum okkar og í vefverslun.

Smelltu hér til að skoða í vefverslun.

Ritstjórar: Kjartan P. Eyjólfsson & Ámundi Sigurðsson
Höfundar texta: Svana Lovísa Kristjánsdóttir & Fríða Björnsdóttir
Prófarkalestu: Stefanía Albertsdóttir
Hönnun og uppsetning: Ámundi Sigurðsson

Blogg, Epal

Söfnuðu 2,8 milljónum með ilmkerti

Posted on by blogg

Grein sem birtist á mbl.is þann 23.12.25.

“Ilmkertið Kjarr sem framleitt var í samstarfi fyrirtækjanna Icelandair, Epal og Fischersundi þótti einstaklega vel heppnað og voru viðtökurnar afar góðar. Ilmkertið var framleitt í takmörkuðu magni og allur ágóði af seldum kertum rann til styrktar Vildarbörnum Icelandair. Ágóðinn var 2,8 milljónir króna og hefur verið afhentur Vildarbörnum Icelandair.

„Við erum afar þakklát fyrir samstarfið við Epal og Fischersund og það er algjörlega frábært að sjá hversu góðar móttökur verkefnið fékk. Sjóður Vildarbarna Icelandair er fjármagnaður að miklu leyti með framlögum frá farþegum og félögum í Saga Club og það er einstaklega ánægjulegt þegar fyrirtæki og einstaklingar leggja sitt af mörkum til þess að gefa langveikum börnum og þeim sem búa við sérstakar aðstæður tækifæri til þess að fara í draumaferðina,“ segir Dóra Elín Atladóttir Johnsen, forstöðumaður Vildarbarna Icelandair, í fréttatilkynningu.”

Lilja Birgisdóttir frá Fischersundi, Bogi Nils Bogason, forstjóri Icelandair, Sigurrós Birgisdóttir frá Fischersundi, Kjartan Páll Eyjólfsson, framkvæmdastjóri Epal, Dóra Elín Atladóttir Johnsen, forstöðumaður Vildarbarna Icelandair og Ingibjörg Birgisdóttir frá Fischersundi.

“Íslenska hönnunarverslunin Epal og flugfélagið Icelandair hafa tekið höndum saman annað árið í röð og framleiða nú sérstakt ilmkerti til styrktar Vildarbörnum Icelandair. Í fyrra framleiddi Norman Copenhagen Vaðfuglinn eftir Sigurjón Pálsson í bleikum og bláum.

Í ár fóru fyrirtækin í samstarf við Fischersund en systurnar Ingibjörg, Lilja og Sigurrós Birgisdætur eru á bak við ilmgerðina og framleiddu kertið Kjarr.

Ilmurinn er nýr úr smiðju Fischersundi í samstarfi við Icelandair og Epal en samstarfsverkefnið styður Vildarbörn, framtak flugfélagsins sem á sér langa sögu um að veita langveikum börnum og börnum sem búa við sérstakar aðstæður tækifæri til ferðalaga. Takmarkað upplag er af kertinu.

Ilmurinn vekur upp væran og róandi furuilm, innblásinn af hinu smágerða en sterka kjarri sem hjúfrar sig saman og vex þétt líkt og það sé að vernda sig gegn óblíðum og fyrirsjáanlegum náttúruöflum.

Kertið skartar teikningu eftir Ingibjörgu Birgisdóttur, liststjórnanda og einum stofnenda Fischersunds. Teikningin fangar samstöðuna og skjólið sem þessar harðgerðu plöntur skapa. Ilmnótur eru meðal annars birki, fura, balsamþinur og bergamot. Hvert kerti er handgert á Íslandi úr hágæða ilmkjarnaolíum og endurunnu sojavaxi.”

Blogg, Innblástur

Auping rúm – gæði, góð hönnun og þægindi

Posted on by blogg

Auping hefur skarað fram úr í hönnun í mörg ár og er útkoman bæði nútímaleg og klassísk gæða rúm sem hægt er að sérsníða fyrir hvern og einn viðskiptavin, með ótal möguleikum varðandi dýnur, áklæði og liti, sem gerir það að verkum að Auping rúm hentar hvaða heimili sem er.

Auping var stofnað árið 1888 í Hollandi og með yfirgripsmikilli þekkingu ásamt nýjustu tækniþróun tekst þeim að veita þér besta mögulega nætursvefninn í fallegu og nútímalegu rúmi sem tryggir góðan stuðning, góða loftun og frábæra endingu. Auping hefur hlotið verðskuldaða viðurkenningu í gegnum árin og hefur hlotið fjölmörg verðlaun og vottanir á sviði sjálfbærni, áreiðanleika, gæða og hönnunar, m.a. Red Dot, IF hönnunarverðlaunin og fl.

Með Auping færðu gæði, góða hönnun og framúrskarandi nýsköpun allt í einu rúmi – með virðingu fyrir umhverfinu.

Kynntu þér rúmin frá Auping í glæsilegum sýningarsal á efri hæð verslunar okkar í Skeifunni.

 

Blogg, Epal

Epal Opal

Posted on by blogg

Tvö sígild íslensk vörumerki sameinast hér í tilefni af degi íslenskrar tungu.
Árið 1975 giltu afar strangar reglur um nöfn fyrirtækja. Nafnið Epal er búið til úr nafni stofnandans, Eyjólfs Pálssonar. Í fyrstu fékk Eyjólfur ekki leyfi til að skrá fyrirtækið þar sem nafnið var ekki nógu íslenskt að mati Hagstofu. Þá dró hann upp pakka af rauðum Opal og spurði:

„Hvað með Opal? – Er það ekki íslenskt?“

Þá var fátt um svör og umsóknin flaug í gegn, íslenskri hönnun til heilla.

Blogg, Epal

Nýtt frá Louis Poulsen – PH80

Posted on by blogg

Louis Poulsen kynnir klassíska PH 80 lampann í tveimur nýjum útgáfum, í fyrsta sinn sem hleðslulampa og einnig borðlampa í nýrri og endurbættri stærð.
PH 80 var fyrst kynntur til sögunnar árið 1974, til heiðurs því sem hefði verið 80 ára afmælisár Poul Henningsen – sem hannaði klassíska þriggja skerma ljósið á árunum 1925-26 og hefur svo sannarlega staðist tímans tönn.

Sjá í vefverslun Epal.is

Blogg

Opið fyrir umsóknir í Epal Gallerí – Jólin 2025

Posted on by blogg

Opið fyrir umsóknir í Epal Gallerí yfir jólin.

Epal Gallerí er lifandi vettvangur fyrir hönnuði og listamenn til að kynna verk sín, skapa upplifun og til að styðja við fjölbreytileika í miðborginni. Yfir jólin býðst einstakt tækifæri til að nýta rýmið fyrir sýningar, pop-up viðburði eða aðrar skapandi uppákomur. Tímabilið sem um ræðir er frá miðjum nóvember og framyfir jólin.
Epal Gallerí er staðsett í hjarta miðbæjarins, á neðri hæð verslunarinnar við Laugaveg 7.

Við hvetjum íslenska hönnuði og listamenn til að sækja um rýmið yfir jólin.
Sjá allar nánari upplýsingar: www.epal.is/galleri/