Blogg

Ævintýri Tinna

Posted on by admin
Við vorum að fá fullt af nýjum vörum frá I love TinTin fyrir bæði stóra sem smáa.
Erum með flotta safngripi ásamt vörum á góðu verði eins og lyklakippur, boli, bolla og stílabækur.
Flottar lyklakippur og ýmislegt fyrir börnin.
Það hefur eflaust ekki farið fram hjá Tinna aðdáendum að bíómynd um ævintýri kappans er væntanleg. Myndin kemur í sýningu í desember og er leikstýrt af sjálfum Steven Spielberg.
Blogg

Joseph Joseph

Posted on by admin
Hér er enn ein snilldin frá Joseph Joseph hönnunarmerkinu sívinsæla.
Skurðabrettin eru mjög sniðug og eru þau litamerkt ásamt því að hafa litla mynd á haldfanginu til að auðvelda valið á réttu bretti. Brettin eru fyrir kjöt, fisk, grænmeti og eldaðann mat og má setja í uppþvottavél.
Brauðboxið er líka mjög sniðugt, en lokið nýtist einnig sem skurðarbretti.
Góða helgi kæru lesendur.
Blogg

Cubus kertastjakinn

Posted on by admin
Danski arkitektinn Mogens Lassen hannaði Cubus kertastjakann fyrir meira en 50 árum síðan.
Það mætti segja að hann hafi verið á undan sinni samtíð þegar að hann hannaði Cubus sem var ekki með nokkuð punt né prjál. Aðeins hrein og bein form.
Vegna þess hve einfaldur Cubus er þá passar hann inná flest öll heimili og er flott gjafahugmynd fyrir hönnunarunnendur.
Blogg

Íslensk hönnun: Hani, krummi, hundur, svín

Posted on by admin

 

Hár úr hala, hönnunarteymi er samstarfsverkefni Ólafs Þórs Erlendssonar húsgagna- og innanhússarkitekts og Sylvíu Kristjánsdóttur grafísks hönnuðar. Þau sækja innblástur í sögur, vísur og ævintýri og hanna hagnýta hluti sem gleðja bæði stóra og smáa.
Ólafur Þór og Sylvía hafa hannað snagarekka úr áli sem bera heitið „Hani, krummi, hundur, svín“ og „Hestur, mús, tittlingur“. Snagarnir eru myndræn tilvitnun í hina gömlu vísu um samnefnd dýr og var fyrst kynntur á Hönnunarmars 2011.
Hani, krummi, hundur, svín,

hestur, mús, tittlingur.

Galar, krunkar, geltir, hrín,

hneggjar, tístir, syngur.

 

 

Snagarnir fást í hvítu, svörtu og gráu og eru með þremur og fjórum hönkum. Til að byrja með munu þeir fást í Epal Skeifunni, Epal design í Leifsstöð og Epal í Hörpu.

Hani, krummi, hundur svín kostar 12.900 krónur
og Hestur, mús, tittlingur kostar 11.600krónur
Snagarnir fást í þremur litum.