Við kynnum tilboðsverð á Uxanum ásamt skammel frá Erik Jørgensen hannaður af Hans J. Wegner árið 1960.
Wegner var hugfanginn af Picasso og sótti innblástur til hans við hönnun á þessum kraftmikla og skúlptúríska stól. Framleiðsla á stólnum hætti aðeins tveimur árum síðar, árið 1962 því hann þótti of framúrstefnulegur fyrir þann tíma. Uxinn fór svo aftur í framleiðslu árið 1985 með nýrri tækni en þó haldið í upprunalegt útlit og glæsileika. Uxinn hefur unnið til margra verðlauna og verið sýndur um allan heim. “Uxinn er kjarni karlmennskunnar” segir í lýsingu á stólnum hjá framleiðandanum Erik Jørgensen. Wegner tókst að hanna stól sem er fullkominn hægindarstóll og þykir í dag ómissandi af klassískum húsgögnum. Veldu leður fyrir sígilt útlit eða textíl fyrir meiri hlýju.
Við erum stolt að geta kynnt ykkur fyrir „Muhamad the Weaver“ sem er einn af meisturunum hjá Carl Hansen & Son. Muhamad þykir vera framúrskarandi vefari og verður hann staddur í Epal Skeifunni frá föstudegi til laugardags 20. – 21. september og sýnir okkur ótrúlegu tæknina sem er að baki þess að vefa sæti í Y-stólinn fræga. Hægt verður að kaupa þá stóla sem ofnir verða á staðnum og fá þá áritaða.
Y-stóllinn er heimþekktur og er jafnframt frægasta hönnun Hans J. Wegner (sem hannaði yfir 500 stóla á sinni lífstíð). Frá því að fyrsti stóllinn var framleiddur árið 1950 hefur Y-stóllinn verið gerður úr sömu 14 pörtum sem krefjast yfir 100 ólíkra vinnslustiga og um það bil 3 vikur í undirbúning.
Stóllinn er úr viði og er að mestu leyti handgerður, þar á meðal er setan handofin úr 120 metrum af sterkum pappírsþræði sem á að duga í allt að 50 ár. Hans J. Wegner hannaði stólinn fyrir Carl Hansen & Son árið 1949, og hefur hann verið óslitið í framleiðslu frá 1950. Stóllinn heitir í raun CH24 en er kallaður Y-stóllinn á íslensku og óskabeinsstóllinn á ensku, eða Wishbone chair.
Við bjóðum Muhamad velkominn í Epal frá 20. – 21. september. Muhamad starfar hjá Carl Hansen og sérhæfir sig eingöngu í að vefa sæti í Y-stóla og tekur það hann ekki nema um klukkustund að klára einn stól. Muhamad kemur til með að vefa nokkra Y-stóla í Epal og mun vera hægt að kaupa þá stóla.
Sjón er sögu ríkari!
Ásamt Muhamad verða hjá okkur staddir sérfræðingar frá Auping og Carl Hansen og verður veittur 15% afsláttur af þeirra vörum í tilefni þess.
Happdrætti á meðan heimsókninni stendur og geta heppnir þátttakendur unnið Y stól ásamt dúnmjúkum koddum frá Auping.
Hér að neðan má sjá áhugavert video þar sem sýnt er frá aðferðinni að vefa Y stól.
