Tvö sígild íslensk vörumerki sameinast hér í tilefni af degi íslenskrar tungu.
Árið 1975 giltu afar strangar reglur um nöfn fyrirtækja. Nafnið Epal er búið til úr nafni stofnandans, Eyjólfs Pálssonar. Í fyrstu fékk Eyjólfur ekki leyfi til að skrá fyrirtækið þar sem nafnið var ekki nógu íslenskt að mati Hagstofu. Þá dró hann upp pakka af rauðum Opal og spurði:
„Hvað með Opal? – Er það ekki íslenskt?“
Þá var fátt um svör og umsóknin flaug í gegn, íslenskri hönnun til heilla.
