Nýjungar

Carry sjónvarpsstandur frá Eva Solo

Posted on by blogg

Nýtt í Epal, sjónvarpsstandur frá Eva Solo

Sjónvarpið er að margra mati ómissandi partur af stofunni, þar sem við bæði slökum á og eigum góðar samverustundir. Uppröðun stofunnar ræðst þó oft af því hvar sjónvarpið er vegghengt, en það þarf ekki að vera þannig.
Carry sjónvarpsstandurinn frá Eva Solo er stílhrein og smart lausn sem hægt er að færa fram og tilbaka eftir þörfum og gerir stofuna sveigjanlegri en með vegghengdu sjónvarpi.
Sjónvarpsstandinn er hægt að nota fyrir flatskjái frá 40” til 65” sem er haldið á sínum stað með tveimur stílhreinum svörtum leðurólum.
Verð frá 42.100 kr. svartur / 49.550 burstað stál.
Sérpantað – hægt er að skoða sýningareintak í Epal Skeifunni.
Carry sjónvarpsstandur frá Eva Solo – lausn fyrir stofuna
Verð frá 42.100 kr. svartur / 49.550 burstað stál.
Sérpantað – hægt er að skoða sýningareintak í Epal Skeifunni.
Nýjungar

Ný og heillandi vörulína frá Sebra – Dragon Tales & Pixie Land

Posted on by blogg

Við vorum að taka upp glæsilegar nýjar vörulínur frá Sebra sem eru partur af haust og vetrarlínunni 2022 og bera heitið Dragon Tales og Pixie Land. Þessar fallegu nýjungar eru skreyttar drekaævintýrum og nostalgískum skógarteikningum sem kitla ímyndunarafl barnsins.

Sebra er danskt hönnunarfyrirtæki sem framleiðir vönduð húsgögn og smávörur fyrir barnaherbergi sem njóta mikilla vinsælda. Sjáðu Sebra vöruúrvalið í vefverslun Epal.is

Sebra Dragon Tales Pixie Land – nýjungar fyrir barnaherbergi Sebra Dragon Tales Pixie Land – nýjungar fyrir barnaherbergiSebra Dragon Tales Pixie Land – nýjungar fyrir barnaherbergi

Blogg, Epal Gallerí

Ekki missa af sýningunni Tinni á Íslandi í Epal Gallerí

Posted on by blogg

Verið velkomin á sýninguna Tinni á Íslandi í Epal Gallerí sem stendur yfir fram til miðjan ágúst. 

Sýningin samanstendur af verkum eftir Óskar Guðmundsson þar sem hann hefur komið með Tinna og félaga heim til Íslands. Óskar var frá barnsaldri mikill Tinnaaðdándi og bækurnar lesnar þar til kjölur þeirra gaf sig. Óskar átti sér þann draum heitastan að Hergé myndi senda frá sér bók sem gerðist alfarið á Íslandi. Það rættist að hluta til þegar Tinni og Kolbeinn stöldruðu stutt við á Akureyri í Dularfullu Stjörnunni. Það nægði Óskari ekki sem hefur nú málað og teiknað Tinna og félaga á fjölbreyttum stöðum í íslenskri náttúru. Óskar hefur málað frá barnsaldri og haldið nokkrar myndlistarsýningar. Hann starfar einnig sem rithöfundur og hefur sent frá sér fjórar spennusögur.

Á sýningunni verða árituð og númeruð grafísk verk ásamt plakötum til sölu. Hafið samband fyrir frekari upplýsingar. Epal Gallerí er staðsett við Laugaveg 7, 101 Reykjavík.

 

Blogg, Íslensk Hönnun

Angan kynnir Westfjords – áfyllanlegar líkams og hárvörur

Posted on by blogg

Angan kynnir nýja línu sem ber nafnið Westfjords

⠀⠀⠀⠀⠀⠀⠀⠀⠀
Westfjords eru áfyllanlegar líkams og hárvörur sem innihalda nærandi olíur og villt íslenskt jurtaextrakt. Framleitt af alúð með náttúrulegum, sjálfbærum og villtum innihaldsefnum.
⠀⠀⠀⠀⠀⠀⠀⠀⠀
Náttúrulegur ilmurinn er síðan undirstrikaður með einiberjum, lofnaðarblómi og garðablóðbergi sem flytur þig í ferðalag til afskekktra Vestfjarða.

Næringarríku vörurnar koma í endurnýtanlegum gler flöskum í 250ml og 500ml. Hægt er að fylla á flöskurnar og þannig draga úr umbúðanotkun og huga betur að umhverfinu.

/ Þú finnur nýju vörurnar einnig í vefverslun Epal.is

Blogg, Innblástur, Nýjungar

Fritz Hansen – 150 ár af einstakri hönnun

Posted on by blogg

150 ára afmælisútgáfa Fritz Hansen heiðrar nokkur af þekktustu verkum húsgagnasögunnar

Í tilefni af 150 ára afmæli Fritz Hansen eru kynntar til sögunnar einstakar afmælisútgáfur af nokkrum þekktustu húsgögnum sögunnar. Eggið, Svanurinn, Sjöan, Liljan og PK61, allt húsgögn sem eru dáð af hönnunaráhugafólki um allan heim, nú í einstökum nýjum efnum og áklæðum.

Afmælis Eggið og Svanurinn eru klædd Vanir ullaráklæði eða Grace leðri og með svörtum krómfæti sem gefur fágað yfirbragð. Afmælis Sjöan er fáanleg með Vanir ullaráklæði eða Grace leðri og á klassískum krómfótum og PK61 borðið er í fyrsta sinn með norskum marmara.

Alltaf klassísk, hvert húsgagn endurspeglar einstakt handverk Fritz Hansen, gæða efnisval og endingargóða hönnun.

Grace:

Grace er úrvalsleður úr hágæða skinnum. Nýtt kastaníubrúnt leðrið er unnið af Sørensen Leahter eingöngu fyrir Fritz Hansen, fyrir afmælisútgáfur af Egginu, Svaninum, Sjöunni og Liljunni. Sørensen er umhverfismeðvitað alþjóðlegt vörumerki sem vinnur með eftirsóttasta hágæða, sjálfbæra leðrið í heiminum.  

Vanir:

Vanir er þæfður ullartextíll sérhannaður af belgíska fatahönnuðinum Raf Simons fyrir Kvadrat. Vanir er nú í fyrsta sinn kynnt á afmælisútgáfum af Egginu, Svaninum og Sjöunni.

Norskur marmari:

Afmælisútgáfan af mínimalíska PK61 borði Poul Kjærholm er nú kynnt í fyrsta sinn úr norskum marmara frá Fauske, Noregi. Norskur marmari er sérstaklega fallegur með glitrandi áferð, með gráum og hvítum æðum sem minna helst á ískaldan sjó.

Sjáðu einstakar afmælisútgáfur Fritz Hansen hjá okkur í Epal Skeifunni.

Kynntu þér einnig úrvalið í vefverslun Epal.is 

Innblástur, Nýjungar

Kubus 8 RAW í takmörkuðu upplagi

Posted on by blogg

Kubus 8 RAW er einstakur safngripur, áletraður og númeraður og aðeins seldur í forsölu til 1. ágúst.

Kubus 8 RAW er aðeins framleiddur í 1000 eintökum í tilefni 60 ára afmælis Kubus 8 og er nákvæm útgáfa af upprunalega kertastjakanum sem Mogens Lassen lét útbúa og geymdi á skrifborðinu sínu, og sem sjá má á ljósmyndum af vinnustofu hans frá 1962.
Alveg eins og upprunalegi stjakinn er þessi einstaki safngripur algjörlega hrár og ómeðhöndlaður og mun öðlast fallega áferð með tímanum og verður því enginn eins.
Aðeins seldur í forsölu til 1. ágúst í vefverslun Epal. 
Kubus kertastjakarnir eru enn handgerðir í by Lassen verksmiðjunni í Holstebro, Danmörku.
Blogg, Nýjungar

Nýtt og spennandi barnavörumerki – MODU

Posted on by blogg

MODU eru spennandi og skemmtilegir byggingarkubbar sem efla hreyfifærni og ímyndunarafl barna á öllum aldri. MODU kubbarnir eru opin leikföng sem notið hafa sívaxandi vinsælda og er um að ræða leikföng sem hafa ekki fyrirfram ákveðið hlutverk og reynir því á skapandi hugsun barnsins, hugmyndaflug og sjálfstæði í leik. Eftir því sem barnið þroskast finnur það nýjar leiðir til að leika með MODU kubbana sem lengir líftíma leikfangsins.

MODU er sett af kubbum, tengipinnum og hjólum sem hægt er að setja saman á óteljandi vegu og útbúa spennandi leikföng sem ýtir undir opinn og virkan leik sem jafnvel margir geta unnið að saman, ungir sem aldnir. MODU leikföngin eiga heima á hverju heimili og eru fyrir börn á öllum aldri.

MODU koma í þremur settum, Curiosity, Explorer og Dreamer og i tveimur litum – gulum og bláum.

MODU er framleitt úr 100% endurunnu ABS plasti og eiturefnalausri EVA – frauðplasti. Öll efnin eru 100% phthalate og BPA frí og standast hæstu staðla í Evrópu varðandi öryggi leikfanga. Auðvelt er að viðhalda kubbunum og má þvo þá í uppþvottavél þegar á þarf að halda. 

Sjáðu úrvalið í vefverslun Epal.is 

 

 

 

Epal, Samstarf, Viðburðir

Ert þú næsti hönnuður Paper Collective?

Posted on by blogg

Epal og Paper Collective sameina krafta sína og leita að næsta íslenska hönnuði til að hanna veggspjald fyrir Paper Collective sem sérhæfa sig í veggspjöldum og leggur það upp úr fallegri og tímalausri hönnun. Vel valdir listamenn hafa skapað veggspjöld fyrir hönd Paper Collective sem skreyta í dag mörg heimili um allan heim. Skilafrestur til 23. júní.

Keppnin er opin öllum þeim sem eru með sköpunar- og hönnunar áhuga í fyrirrúmi. Dómnefnd velur þrjú verk sem vinna til verðlauna og verða verkin sýnd í Epal Gallerí, Laugavegi 7, dagana 15. ágúst til 29. ágúst.

Peningaverðlaun eru fyrir þrjú efstu sætin. Verðlaunin eru eftirfarandi:

  • 1. Sæti – 200.000 kr. ásamt þóknun af sölu (Royalty samningur), andvirði a.m.k. 100.000 kr.
  • 2. Sæti – Þóknun af sölu (Royalty samningur), andvirði a.m.k. 100.000 kr.
  • 3. Sæti – Þóknun af sölu (Royalty samningur), andvirði a.m.k. 100.000 kr.

 

Dómnefnd skipa

  • Morten Kaaber – Stofnandi Paper Collective
  • Kjartan Páll Eyjólfsson – Framkvæmdarstjóri Epal
  • Erla María Árnadóttir – Grafískur hönnuður (FÍT)
  • Maria Duda – Grafískur hönnuður Paper Collective

Skilafrestur er til 23. júní 2022.

Allar tillögur skal senda, ásamt stuttri lýsingu á listamanni og verki, á netfangið: [email protected]

Athugið að hver hönnuður má senda inn fleiri en eitt verk. Ítarlegri upplýsingar um keppnina er að finna hér.

Við hvetjum þátttakendur til að kynna sér stefnu Paper Collective á heimasíðu þeirra hér.

Skilmálar:

  • Verkinu ber að skila gegnum netfang og má hugmyndin ekki hafa birst né verið söluvara með neinum hætti áður.
  • Paper Collective áskilur sér rétt á verkinu eftir keppnina.
  • Ókláruð og stolin verk eru ekki samþykkt.
  • Með því að taka þátt í keppninni samþykkir þátttakandi að for- og eftirnafn hans megi vera birt af skipuleggjendum þegar tilkynnt er um vinningshafa.
  • Allar leiðbeiningar um skráningu skulu teljast vera hluti af skilmálunum og með því að skrá þig í keppnina samþykkir hönnuður þessa skilmála.
  • Peningaverðlaun eru aðeins úthlutuð ef listamaður samþykkir skilyrði.