AS WE GROW er íslenskt hönnunarfyrirtæki sem nálgast tísku með sjálfbærni, nærgætni við umhverfið og siðferði að leiðarljósi. Fyrirtækið er það eina á sviði fatahönnunar sem hlotið hefur Hönnunarverðlaun Íslands en þá var sérstaklega litið til „afstöðu gagnvart líftíma og endingu vöru á tímum ofgnóttar“ ásamt því að „tímalaus einfaldleiki hönnunar og einstök gæði vöru hafi ásamt samfélagslegri ábyrgð og metnaðarfullri stefnu í umhverfismálum skapað fyrirtækinu sérstöðu heima og víða um heim“.
