Munstrið er innblásið af flæði vatnsins og þeim síbreytilegu formum sem myndast þegar yfirborðið gárar og brotnar. Litapallettan sækir kraft sinn í stórbrotna náttúru Fjallabaksleið, allt frá dempuðum jarðtónum til ríkulegra lita Brennisteinsöldu. Línan er Jacquard-ofin í Tyrklandi af sömu alúð og einkennir aðrar vörur Salún.
Handklæðin eru tilvalin til daglegra nota, hvort sem það er fyrir saununa, sundlaugina, ferðalög eða ströndina þar sem þau eru:
Létt
Rakadræg
Þornar fljótt
Pakkast vel
Stærð: 170×90 cm
100% tyrknesk bómull í jacquard vefnaði
Handklæðin okkar eru framleidd í Tyrklandi að hætti hinna tyrknesku Pestemal og Peshkir handklæða líkt og notuð eru í Hammam böðum, aldagamalli baðhefð sem hefur varðveist frá tímum Ottómanveldisins til dagsins í dag.
Peshkir handklæðin (100×60 cm) eru upprunalega ætluð fyrir hárið en Pestemal (90×170 cm) fyrir líkamann. Pestemal handklæðin eru einnig tilvalin sem sjöl eða teppi og peshkir sem gestahandklæði.
Salún er íslenskt hönnunarfyrirtæki sem var stofnað í lok árs 2023 af hönnuðinum Ásrúnu Ágústsdóttur. Bakgrunnur Ásrúnar liggur í fatahönnun sem hún lærði bæði í Kaupmannahöfn og við Listaháskóla Íslands.
Kveikjan að Salún er dálæti Ásrúnar á salúnvefnaðnum. Salúnvefnaðurinn á sér djúpar rætur í menningu þjóðar og má finna í heimildum aftur til 14. aldar en orðið salún merkir ábreiða.
