Jólagjafahandbók Epal 2026

LE KLINT

Saga Le Klint hófst um aldamótin 1900 þegar arkitektinn Peder Vilhelm Jensen-Klint braut pappírsskerm utan um olíulampa til að mýkja birtuna. Innblásinn af japönsku origami þróaði hann sérstaka aðferð við að brjóta saman pappír og það varð fljótlega áhugamál allrar fjölskyldunnar. Sonur hans, Tage Klint, stofnaði svo fyrirtækið árið 1943, og hinn sonurinn, Kaare Klint, oft kallaður faðir danskrar nútímahönnunar, hannaði marga af þekktustu lömpum merkisins. Í dag eru lamparnir enn handgerðir í Óðinsvéum, þar sem allt byrjaði.

BOTANÉ

Botané er danskt hönnunarstúdíó í Kaupmannahöfn sem sérhæfir sig í hönnun á blómum sem eru svo raunveruleg að erfitt er að greina þau frá lifandi blómum. Í augum Botané eru blóm meira en skraut:

þau eru leið til að tjá tilfinningar og persónulegan stíl. Með innblæstri úr tísku, innanhússhönnun og list eru blómin hönnuð af mikilli natni, með áherslu á samsetningu, áferð og hreyfingu. Blómin þurfa enga umhirðu og halda fegurð sinni ár eftir ár, hvort sem þau prýða heimilið eða eru gefin sem gjöf sem endist.

SKANDINAVISK

Nýjasta viðbótin hjá Skandinavisk er ilmvatnslínan KØLLEKTION, ilmvötn eftir franska meistarailmhönnuðinn Véronique Nyberg, sem hefur í þrjátíu ár deilt lífinu með sænskum eiginmanni sínum. Hvert ilmvatn fangar stað eða augnablik á Norðurlöndunum, allt frá borgarlífi Kaupmannahafnar í KØPENHAGEN og djúpum skógum í DEEP FØREST til miðsumarsengja í OH! MIDSUMMÄR og norðurljósa í POLÅR

DANCE.

RYE

RYE er danskt hönnunarmerki sem skapar svefnherbergishúsgögn sem róa skilningarvitin og stuðla að góðri hvíld. Línan nær yfir rúmgrindur úr við eða með áklæði, náttborð, dýnur, yfirdýnur og kodda. RYE rekur eigið verkstæði í dönsku vatnahéruðunum á Jótlandi og framleiðir hverja vöru eftir pöntun. Þannig er framleiðslan smá í sniðum, handverkið fær þann tíma sem það þarf og sóun er í lágmarki. Markmiðið er að leyfa uppruna efnisins og sögu að njóta sín inni á heimilinu.

SUITE702

SUITE702 var stofnað í Amsterdam árið 2018 af parinu Shirley Muijrers, textílhönnuði, og Olaf Arkauer, sem kemur úr vörumerkjahönnun. Hugmyndin er einföld: í hröðum heimi eigum við skilið að hægja á okkur, hvílast vel og fara réttum megin fram úr rúminu. Nafnið vísar í herbergi 702 á Hilton-hótelinu í Amsterdam. Þar héldu John Lennon og Yoko Ono sitt fræga „bed-in“ árið 1969, þegar þau lágu í rúminu í viku í nafni friðar. Í rúmfötunum er lögð áhersla á gæði efnisins, allt frá stökkri percalebómull til mjúks satíns og hörs. Það eru 12 litir í boði í pescal-bómull og má blanda þeim saman að vild. Bómullin er lífræn og GOTS-vottuð, allt framleitt í Portúgal.

KKNEKKI

KKNEKKI á rætur að rekja til Suður-Kóreu, þar sem merkið var stofnað árið 1987. Þar varð til sérstök vefnaðaraðferð sem gerði teygjurnar bæði endingargóðar og mildar við hárið. Í dag er KKNEKKI í eigu norsks fjölskyldufyrirtækis sem sér um hönnun og rekstur. Þannig mætast kóresk handverkshefð og skandinavísk hönnun. Hver teygja er ofin úr yfir 60 samofnum þráðum. Útkoman er mjúk en sterk teygja sem hentar öllum hárgerðum. Teygjurnar eru framleiddar á sjaldgæfum prjónavélum frá sjöunda áratugnum sem upphaflega voru notaðar í áklæðisbönd. Litaúrvalið er líka einstakt, með yfir 700 litasamsetningum.

TOM DIXON

Tom Dixon er breskt hönnunarmerki, stofnað árið 2002, sem hannar ljós, húsgögn og smávöru fyrir heimilið. Stofnandinn og hönnunarstjórinn Tom Dixon vakti fyrst athygli um miðjan níunda áratuginn sem sjálflærður hönnuður sem sauð saman húsgögn úr brotajárni. Síðar hannaði hann hinn þekkta S-stól fyrir Cappellini og var hönnunarstjóri Habitat. Hann hefur hlotið fjölda viðurkenninga, meðal annars OBE-orðuna fyrir framlag sitt til breskrar hönnunar og titilinn hönnuður ársins á Maison & Objet í París. Vörurnar byggja á breskum rótum og eru þekktar um allan heim fyrir frumlega notkun á efnum og framleiðsluaðferðum.

HETKINEN

Hetkinen er finnskt hönnunarmerki, stofnað árið 2018, sem notar ilm sem sitt tungumál. Sagan hófst með furutré og ilminum af finnskum skógum. Nafnið þýðir „augnablik“, þessi stund dagsins þegar loftið breytist og skógurinn virðist nálægur. Hver ilmur á uppruna sinn í skóginum, í furukvoðu, birkilaufi og einiberjum. Hugmyndafræðin sækir í finnska ró og saunamenningu, og einnig í japanska hugsun eins og skógarböð (shinrin yoku). Báðar hefðirnar leggja áherslu á einfaldleika, heiðarleika og virðingu fyrir efninu, og úr verður hin svokallaða Japandi-fagurfræði.

PICO COPENHAGEN

Pico Copenhagen var stofnað í Kaupmannahöfn árið 2004. Hugmyndin var að hanna fallega fylgihluti fyrir hversdaginn, og síðan hefur Pico orðið eitt af leiðandi merkjum Danmerkur í hárskrauti. Litagleði, gæði og vandað handverk hafa alltaf verið í forgrunni, og allt er hannað innanhúss. Úrvalið er fjölbreytt og nær yfir hárklemmur, spennur, scrunchies, teygjur, hárbönd, spangir, greiður og hárblóm. Verð og hönnun eru þannig að þú getur átt heilt safn og valið eftir stíl og skapi hvers dags.

QUILTS OF DENMARK

Danish Islands línan frá Quilts of Denmark er óður til danskra eyja og þeirrar kyrrðar og náttúrufegurðar sem þar ríkir. Markmiðið er að færa sanna hygge-stemningu beint inn í svefnherbergið. Hver sæng og koddi ber nafn danskrar eyju, t.d. SAMSØ, FANØ og VENØ. Í línunni eru sængur í öllum stærðum og hlýleikaflokkum, allt frá léttum sumarsængum til hlýrra vetrarsænga, ásamt koddum í mismunandi gerðum. Allar vörurnar eru hannaðar og framleiddar í eigin verksmiðju fyrirtækisins í Vamdrup á Jótlandi, úr vandlega völdum dún og efnum. Þær bera viðurkenndar vottanir á borð við OEKO-TEX®, Nomite og DownPass, sem tryggja hreinleika, dýravelferð og að vörurnar henti fólki með ofnæmi.

NORTHÉL

Northél er nýtt íslenskt vörumerki og hugsjón þeirra er að bjóða upp á vörur úr hreinum og náttúrulegum efnum sem við notum í hversdagsleikanum. Rík áhersla er lögð á að sameina efnisval, vandaða framleiðslu, notagildi og hönnun. Fallegir og vandaðir hlutir sem eru hannaðir til að standast timans tönn. Vörulínan einkennist af róandi jarðlitum og vörum sem tengjast sjálfsdekri, vellíðan og baðmenningu.

BACKFLIP STÓLLINN - GUÐMUNDUR LÚÐVÍK

Nýjasta hönnun Guðmundar Lúðvíks er Backflip, samanbrjótanlegur stóll fyrir HAY. Það sem gerir Backflip stólinn einstakan er hvernig fellibúnaðurinn er falinn í bakinu frekar en setunni. Með einni einfaldri hreyfingu snýst bakið og stóllinn fellur saman á mjúkan og eðlilegan hátt. Útkoman er stóll sem sameinar þægindi, fallegt form og snjalla verkfræði án þess að fórna neinu af hvoru tveggja. Guðmundur Lúðvík lærði upphaflega húsa- og húsgagnasmíði og síðar höggmyndalist við Listaháskóla Íslands, áður en hann lauk námi í húsgagnahönnun í Kaupmannahöfn. Þessi leið í gegnum handverk, list og hönnun mótar enn verk hans. Í dag rekur hann eigið hönnunarstúdíó í Danmörku, vinnur með alþjóðlegum framleiðendum og kennir ungum hönnuðum.