ingibjörg hanna - Epal

HÖNNUNARMARS: INGIBJÖRG HANNA

blogg — Thu, 05 Mar 2015 20:01:47 +0000

Ingibjörg Hanna sýnir í ár á HönnunarMars í Epal ný mynstur í textíllínu sinni frá Ihanna home. Mynstrin heita Woven og Mountains og verða til að byrja með á viskustykkjum og púðum en nú fyrir eru mynstrin, Experience, Dots og Loop.

„Bæði mynstrin eru leikur með línur. Mountains myndar plúsa og mínusa eftir því hvernig sem línurnar mætast og saman mynda plúsarnir og mínusarnir fjöll og dali. Woven línurnar mynda ofið munstur. Í fjarlægð virðist munstrið vera nokkrir heilir fletir úr mis gráum tónum en þegar litið er nær sést að þetta samanstendur af línum sem eru mis stuttar og langar og hvernig þær mætast og vefjast saman eða ná því ekki,“ segir Ingibjörg Hanna.

Mountains mynstrið var frumsýnt í lok síðasta árs í París á Maison&Objet hönnunarsýningunni en Woven er splunkunýtt mynstur, hvorugt hefur þó verið til sýnis áður á HönnunarMars.

Hönnunarmars í Epal hefst með opnunarpartý þann 11. mars frá kl. 17-19. Viðburðinn á facebook má sjá -hér.

Vertu velkomin á Hönnunarmars í Epal.

The post HÖNNUNARMARS: INGIBJÖRG HANNA appeared first on Epal.

NÝTT FRÁ INGIBJÖRGU HÖNNU

blogg — Thu, 04 Dec 2014 16:00:40 +0000

Við vorum að fá glæsileg rúmföt eftir Ingibjörgu Hönnu sem eru tilvalin í jólapakkann.

Rúmfötin bera heitið Dots og Experience en úr sömu línu er einnig hægt að fá servíettur, viskastykki og púða.

Ingibjörg Hanna kynnti þessar nýju vörur til leiks á Hönnunarmars fyrr á árinu en þá var einnig til sýnis glæsileg hengiróla sem einnig fæst í Epal.

The post NÝTT FRÁ INGIBJÖRGU HÖNNU appeared first on Epal.

NÝTT FRÁ INGIBJÖRGU HÖNNU

blogg — Tue, 18 Nov 2014 18:30:33 +0000

Krummi og Ekki Rúdolf eftir Ingibjörgu Hönnu koma núna í fallegri nýrri útgáfu þar sem að viðurinn nýtur sín einstaklega vel. Krummi og Ekki Rúdolf hafa notið mikilla vinsælda undanfarin ár og hefur verið fjallað um þá í fjölmörgum hönnunartímaritum.

Tilvalið í harða jólapakkann:)

The post NÝTT FRÁ INGIBJÖRGU HÖNNU appeared first on Epal.

VERSLUN: HOME AUTOUR DE MONDE

blogg — Tue, 08 Jul 2014 11:36:03 +0000

Elísabet Ómarsdóttir er innanhússhönnuður og nemi í lýsingarfræði. Hún átti nýlega leið til Parísar og stoppaði við í versluninni Home Autour de monde. Elísabet tók nokkrar myndir í heimsókn sinni sem við fáum að deila með ykkur hér,

„Home autour de monde er verslun í París sem býður upp á margsskonar úrval af fallegri gjafavöru, húsgögnum og fatnaði. Ingibjörg Hönnu þekkja eflaust margir, hún hannaði m.a. vinsæla Krumman sem hangir í mörgum gluggum og hengið Ekki Rúdólf sem er selt í Epal.

Verslunin selur nokkrar af hennar vörum eins og Experienced og Dot púðana, einnig bolla sem kallast Wood/Wood/Wood sem eru skemmtilegir og smart bollar. Verslunin er með flott úrval frá skandinavískum fyrirtækjum eins og Normann Copenhagen, Muuto og HAY.“

Dot púðinn kemur vel út með eikar borðinu.

Experienced púðinn eftir Ingibjörgu, með gulri bakhlið og Dot púðinn kemur vel út með eikar borðinu. munstraðri framhlið.

HAY rúmfötin eru úr bómullar satíni og eru framleidd í nokkrum litum og munstrum.

Wood/Wood/Wood bollarnir í beyki og með hvítri áferð, einnig framleiddir í svörtu.

Lífleg og litrík gluggaútstilling með bökkunum frá HAY og kertastjökunum frá Applicata.

Það sést glitta í viskastykki sem er með saman munstri og Experienced púðinn. Munstruðu kringlóttu bakkarnir eru frá Ferm living.

Gluggaútstilling á rue des Francs Bourgeois. Það sést í Flip speglana frá Normann Copenhagen og viðarlampann frá Muuto.

The post VERSLUN: HOME AUTOUR DE MONDE appeared first on Epal.

NÝ HÖNNUN : INGIBJÖRG HANNA

blogg — Sat, 22 Sep 2012 21:03:49 +0000

Ingibjörg Hanna frumsýndi á Hönnunarmars fyrr á þessu ári vörur úr línunum wood/wood/wood og Experienced sem voru núna fyrst að koma í sölu hjá okkur í Epal. Experienced eru fallegir púðar og viskastykki sem eru úr 100% bómull, og wood/wood/wood eru kertastjakar og cappuccino bollar sem Ingibjörg Hanna hannaði í samstarfi við Höllu Björk Kristjánsdóttur hönnuð.

Falleg íslensk hönnun fyrir heimilið.

The post NÝ HÖNNUN : INGIBJÖRG HANNA appeared first on Epal.