Prentverk Loji Höskuldsson

Loji Höskuldsson x Epal: Afmælisverkið komið út í 50 árituðum eintökum.

Epal kynnir nýtt prentverk eftir Loja Höskuldsson. Upplagið er aðeins 50 eintök og hvert þeirra er áritað af listamanninum og númerað.

Loji Höskuldsson (f. 1987) er einn ástsælasti myndlistarmaður landsins. Hann útskrifaðist með BA-gráðu í myndlist frá Listaháskóla Íslands árið 2010. Hann vinnur með útsaum á striga og saumar hvert verk í höndunum á vinnustofu sinni í Reykjavík. Í myndum hans blandast blóm og íslensk náttúra við kunnuglega hversdagshluti, svo sem vöruumbúðir, sælgæti, garðkönnur og drykkjarglös. Myndirnar eru litríkar, glettnar og fullar af nostalgíu. Loji hefur sýnt víða á Íslandi og á Norðurlöndunum og hannaði meðal annars sófa í takmörkuðu upplagi fyrir danska merkið HAY. Í fyrra hóf hann að vinna með i8 gallerí og fyrsta sýning hans þar verður næsta sumar.

Prentverkið byggir á verki sem Loji gerði í fyrra í tilefni af 50 ára afmæli Epal. Með prentinu fær afmælisverkið framhaldslíf og fær að lifa áfram inni á heimilum fólks. Afmælisverkið samanstendur af 50 litlum verkum, einu fyrir hvert ár sem Epal hefur starfað. Loji saumaði verkin í áklæði frá Kvadrat, en Kvadrat var fyrsta merkið sem Epal tók inn árið 1975. Í verkunum eru uppáhaldsblóm Loja og hlutir sem tengjast sögu Epal. Sum blómanna hafa fylgt honum lengi, en önnur saumaði hann þarna í fyrsta sinn, eins og Jakobsfífilinn.

Hjalti Karlsson grafískur hönnuður setti verkið upp og Gunnar Sverrisson ljósmyndaði myndirnar fyrir prentverkið. 

Prentverkin fást í Epal Skeifunni og vefverslun epal.is og sala hefst fimmtudaginn 22. október kl.10:00

Lifestyle myndir teknar af Ingibjörgu Torfadóttur.

__________
Verðdæmi fyrir innrömmun, viðskiptavinir sjá sjálfir um að senda í innrömmun.

Innrammarinn

Rauðarásstíg 41

Rammi með artglass

Verð 44.000

Kristinn Baldursson

Innrammari

Framnesvegur 52 bakvið

Eikarrammi 13 x 37 glampafrítt UV70% gler

Verð 44.000,-kr