Um hönnuðinn
Sveinn Kjarval
Var frumkvöðull í húsgagna- og innanhússhönnun á Íslandi. Foreldrar hans voru Jóhannes Sveinsson Kjarval listmálari og Tove Kjarval rithöfundur. Sveinn ólst upp í Danmörku þar sem hann lærði húsgagnasmíði en flutti um tvítugt til íslands þar sem hann starfaði sem húsgagnasmiður. Árið 1946 flutti hann ásamt fjölskyldu sinni til Kaupmannahafnar og hóf framhaldsnám í húsgagna- og innanhússhönnun við Kunsthaandværkerskolen, meðal annars undir leiðsögn Hans J. Wegner. Sveinn flutti aftur að loknu námi til Íslands og innleiddi nútímalegan innanhússarkitektúr.